ဆောက်လုပ်ရေး လုပ်ငန်းများတွင် အရေးပါလာသည့် အမျိုးသမီးများ၏ အခန်းကဏ္ဍ

Tuesday, 29 December 2015

civil engineering 522a7 f2860

သင်ဟာ မိန်းကလေးတစ်ယောက်ဆိုရင် မိုးမျှော်တိုက်ခန်းကြီးများ၊ အဆောက်အအုံကြီးများ တည်ဆောက်ခြင်း လုပ်ငန်းတွင် ၀င်ရောက်လုပ်ကိုင်ရန် စိတ်ကူးဖူးပါသလား။ မိန်းကလေးတစ်ယောက်အတွက် မြို့ပြအင်ဂျင်နီယာ တစ်ယောက်ဖြစ်ရန် အခက်အခဲများစွာ ရှိပါသလား။ ယနေ့ခေတ်တွင် ဆောက်လုပ်ရေးလုပ်ငန်းများ၌ မိန်းကလေးများသည်လည်း ယောက်ျားလေးများထက် မလျှော့သော စွမ်းဆောင်ရည် မျိုးကို ပြသလာကြပြီဖြစ်သည်။

 

ခက်ခဲကြမ်းတမ်းသော လုပ်ငန်းသဘောကြောင့် မိန်းကလေးတစ်ယောက်အတွက် ဆောက်လုပ်ရေး လုပ်ငန်းများတွင် လုပ်ငန်းခွင်ကြီးကြပ်ရေးမှူးအဖြစ် ၀င်ရောက်လုပ်ကိုင်ရန် အခက်အခဲရှိသော်လည်း တခြားအခန်းကဏ္ဍများ၌ ယောက်ျားလေးများနည်းတူ ၀င်ရောက်လုပ်ကိုင်နိုင်ကြပြီဖြစ်သည်။

 

မြို့ပြအင်ဂျင်နီယာဘွဲ့ရရှိသူ မိန်းကလေးတစ်ယောက်သည် ဆောက်လုပ်ရေးလုပ်ငန်းများတွင် စီမံကိန်းမန်နေဂျာအဖြစ်လည်းကောင်း၊ ဒီဇိုင်နာအဖြစ်လည်းကောင်း၊ အရည်အသွေးစစ်ဆေးသူ အဖြစ်လည်းကောင်း ၀င်ရောက်လုပ်ကိုင်နိုင်မည်ဖြစ်သည်။

 

ယခုအချိန်တွင် ဆောက်လုပ်ရေးကုမ္ပဏီ အများစုသည် လုပ်ငန်းခွင်ကိစ္စရပ်များတွင် မိန်းကလေးများကို ဦးဆောင်သူ နေရာ၌ ခန့်အပ်လာသည်ကို တွေ့ရပါသည်။ လုပ်ငန်းခွင်ကိစ္စရပ်များ၌ မိန်းကလေးများကို ဦးဆောင်စေခြင်းသည် အသင်းတွင်း စုပေါင်းလုပ်ဆောင်မှုစွမ်းရည် မြင့်တက်လာသည့်အပြင် အမြင်ချင်း ဖလှယ်ရာတွင် အားသာမှုများ ရှိလာသည်ဟု ဆိုကြပါသည်။ သို့ဖြစ်ရာ မိန်းကလေးများသည်လည်း ဆောက်လုပ်ရေးလုပ်ငန်းများ၌ မြို့ပြအင်ဂျင်နီယာတစ်ယောက်အဖြစ် ၀င်ရောက်လုပ်ကိုင်ရင်း အောင်မြင်မှုများ ရရှိနိုင်ကြမည်ဖြစ်ပါသည်။

 

 

Our website is protected by DMC Firewall!